​Ինչից է «սագամաշկ» առաջանում. ankakh.com

Մարդու մաշկը` բացառությամբ ափերն ու ներբանները, ծածկված է բազմաթիվ մազապարկերով, իսկ յուրաքանչյուր մազապարկում կա մկան, որը բարձրացնում է մազը;

Երբ այդ մկանները կրճատվում են, վերին էպիթելում մանր բրգիկներ են գոյանում, որը սովորաբար «սագամաշկ» են կոչում: Եթե անգամ մաշկը հարթ է ու տվյալ տեղում մազապարկերից մազեր չեն աճում, միևնույն է, մկանները նույն կերպ կրճատվում են: Սագամաշկը հայտնվում է այն պահին, երբ վտանգ է առաջանում: Այդ ռեֆլեքսը մեր նախնի կապիկներից է մեզ փոխանցվել, որոնք մազերը վեր բարձրացնելով փորձում էին ավելի խոշոր երևալ, քան իրականում են ու իրենց ահասարսուռ տեսքով վախեցնել թշնամուն:

Բարձրացած մազերի միջև օդային շերտ է գոյանում, որը մարմնին մոտ չի թողնում ցուրտը , շոգն էլ` մարմնից հեռու է պահում: Ճիշտ է, մարդը բրդով չի ծածկված, սակայն ռեֆլեկտորային հիշողությունը պահպանվել է: Ի դեպ, առանց բրդի էլ սագամաշկը պաշտպանում է ցրտից, քանի որ մազապարկերի մկանները բարձրանալուց՝ լարվելով, ջերմություն են անջատում: Ճիշտ է, շատ տաքություն չի ստացվում դրանից, այնուամենայնիվ, ավելի թեթևացնում է վիճակը:

Հարցեր, պատասխաններ, մեկնաբանություններ